Хрватскиот министер за економија Анте Шушњар денес изјави дека Хрватска е подготвена да ја купи Српската нафтена индустрија (НИС) доколку тоа е решението.

„Нашата рака е подадена, ако тоа е решението, ние сме подготвени и за таа опција“, изјави Шушњар пред новинарите, коментирајќи го воведувањето на американските санкции врз НИС.

Тој рече дека на овој начин ќе се обезбеди континуитетот и деловните интереси на Јадранскиот нафтовод, кој е тесно поврзан со НИС веќе 40 години, „без никакви претензии да доминира на малопродажниот пазар во Србија“.

„Тоа би ни го олеснило и нам и на Србија“, додаде хрватскиот министер, кој доаѓа од десничарското Татковинско движење, малцински партнер во владата на премиерот Андреј Пленковиќ на Хрватската демократска заедница (ХДЗ).

Вучиќ одговори на новинарските прашања, меѓу другото, и на бруталните провокации од Загреб дека „сакаат да го откупат НИС“.

– Дали го продадов НИС, дали зедов пари?! Срам да им е! Хрватска е заинтересирана да го купи НИС, ви благодариме за тоа. Еве, ние сме заинтересирани да го купиме Хрватската електропривреда (ХЕК) и Јанаф и сè друго… Толку за европските вредности. Сè што прават покажува колку им е грижа за Србија и на кој начин. Ќе го земеме тоа предвид кога руските партнери ќе нè информираат дека сакаат да ги продадат акциите на НИС. Еве ни понуда за ХЕК каква што не можат ни да замислат. Подготвени сме да понудиме 50 проценти повеќе пари од најдобриот понудувач. Тоа е тоа, што се однесува до Хрватите, им посакувам се најдобро – рече Вучи