Индустриското производство во Македонија во февруари падна за 4,2% во споредба со истиот месец минатата година, покажуваат податоците на Државниот завод за статистика.

Сите три главни сектори забележаа пад: рударството и вадењето камен паднаа за 9,6%, преработувачката индустрија за 1,9%, а енергетиката бележи рекорден пад од 17,2%.

Во преработувачката индустрија, најголем придонес кон падот имаа производството на машини и опрема (пад од 13,5%), облеката (пад од 5,4%) и тутунската индустрија. Падот на индустриската активност сè појасно се одразува и врз пазарот на труд, со намалување на вработеноста во индустријата за 3,4%.

Позитивен тренд покажуваат единствено капиталните добра (раст од 2,1%) и меѓупроизводите (раст од 0,2%), додека трајните потрошувачки добра паднаа за 12%, а нетрајните за 6,9%.