Иран ја зајакнува контролата над Хормушкиот Теснец, а бродовите се принудени да ги координираат минувањата со иранските власти. Тајланд извести дека еден негов танкер успешно минал по преговори со иранските претставници, додека друг сè уште чека одобрение.

Осигурувањето на бродовите доживеа драматично поскапување. Премиите за воен ризик, кои претходно изнесуваа 0,15 до 0,25 проценти од вредноста на бродот, сега достигнуваат 5 до 10 отсто. За голем танкер за сурова нафта вреден околу 100 милиони долари, тоа значи дополнителни трошоци од неколку милиони евра по транзит.

„Премиите значително пораснаа по ескалацијата на настаните од 28 февруари”, изјави Дејвид Ослер, финансиски уредник на „Лојдс Лист”.

Некои компании целосно го избегнуваат теснецот, но нафтоводите низ Саудиска Арабија и ОАЕ обезбедуваат само делумна алтернатива. Поголемиот дел од глобалниот извоз на нафта сè уште зависи од овој критичен поморски коридор.

Енергетскиот аналитичар Бил Фарен-Прајс предупреди дека продолженото нарушување може да предизвика сериозни шокови во снабдувањето на глобалните пазари.