Иран воведе нов режим во Ормушкиот Проток, наплаќајќи 2 милиони долари по брод за транзит, тврдејќи дека „војната има цена”. Проливот останува отворен за сите пловила освен за оние поврзани со „непријателите на Иран”.

Истовремено, државната агенција Мехр објави карта со енергетски објекти низ Заливот со пораката „Кажете збогум на електричната енергија”, предупредувајќи дека дури и минимален напад на иранската инфраструктура ќе има регионални последици.

Конфликтот се повеќе се центрира околу енергијата, транспортот и критичната инфраструктура наместо директни воени удари. Аналитичарите предупредуваат дека продолжените закани можат сериозно да ги погодат глобалните пазари преку зголемување на цените на нафтата и гасот.

Ситуацијата е дополнително комплицирана со Трамповиот ултиматум од 48 часа за отворање на проливот, по што се заканува со уништување на иранските електрични централи.