Интензивна потрага се води за американски пилот чиј авион беше соборен над иранска територија. Иран понуди награда од 60.000 долари за секој кој ќе помогне во наоѓањето на членот на посадката, додека американски хеликоптери и специјалци исто така вршат операции за спасување во регионот.

Американски F-15 беше собарен над Иран, при што двете лица од посадката катапултирале. Едниот е успешно спасен преку операција со два американски хеликоптери, кои потоа слетале на иракска територија и покрај тоа што биле погодени од иранска противвоздушна одбрана. Судбината на вториот пилот сè уште е непозната.

Ова е само еден од неколкуте американски авиони изгубени во конфликтот. Американскиот А-10 Thunderbolt исто така падна во близина на Ормускиот Теснец, а вкупно седум американски летала се изгубени досега во различни инциденти над Ирак, Кувајт и поширокиот регион.

Претседателот Трамп одби да коментира за можните последици: „Не можам да коментирам, се надеваме дека тоа нема да се случи”, рече тој. Иранските медиуми споменаа дека локални милиции исто така учествуваат во потрагата.

Меѓународната агенција за атомска енергија изрази загриженост поради напади во близина на нуклеарни постројки, додека Ормускиот Теснец останува практично затворен за меѓународниот поморски сообраќај, продолжувајќи да ги потресува светските пазари на гориво.