Иран ги постави своите пет услови за завршување на војната со САД и Израел, соопшти дипломатски извор преку руски медиуми. Teхеран бара траен мир, не само привремено примирје — „имаме горко искуство со тоа”, рече изворот.

Петте услова кои Иран ги поставува се: траен мир, а не само примирје; осуда на агресорот; воени репарации за материјалните штети; укинување на сите санкции; и признавање на правото на Иран на мирна употреба на нуклеарна енергија.

Дипломатскиот извор истакна дека меѓу условите спаѓаат и гаранции кои ќе спречат повторување на конфликтот, како и меѓународно признавање на иранската контрола врз Ормускиот Теснец.

Паралелно, Иран го отфрли американскиот предлог за 48-часовно примирје. Иранската полузвaнична агенција Фарс соопшти дека планот бил доставен преку посредник средата, но не добил одобрување. Американската страна засега нема официјален коментар.

Директни преговори меѓу Техеран и Вашингтон досега не се одржале откако започна конфликтот, иако Иранското министерство за надворешни работи потврди дека преку посредници примило пораки за американската подготвеност за разговори. Претседателот Трамп тврди дека преговорите веќе се во тек — нешто што Иран го побива.

Американскиот претседател истовремено закани со „моќни напади” во рок од две до три недели, додека секретарот за одбрана Пит Хегсет не ја исклучи можноста за копнени операции.