Министрите за енергија на Европската Унија утре ќе одржат вонреден состанок за да разгледаат можности за координиран пристап во контекст на случувањата на Блискиот Исток.

Според соопштението на Советот на ЕУ, состанокот има за цел да ги испита ефектите од блискоисточниот конфликт врз европскиот енергетски пазар и да утврди можни заеднички мерки за стабилизација на цените.

Сепак, извори блиски до институциите укажуваат дека на овој состанок не се очекува да бидат одобрени конкретни одлуки, туку тој ќе послужи за размена на информации и координација на позициите.

Состанокот доаѓа во момент кога цените на нафтата и гасот бележат рапиден раст поради ескалацијата на конфликтот со Иран и стравувањата за прекин на снабдувањето преку Ормускиот Пролив.