Секојдневното труење на јавноста со партиски соопштенија, плачење по медиуми и глума на морална вертикала, после сè што направија (и не направија), е навреда за интелигенцијата на граѓаните.

СДСМ не изгледа како партија што чека нова можност, туку како партија што не научи ништо од поразот. Резултатите се порака од граѓаните. Како партија што со години ја трошеше шансата да покаже одговорност, визија и самокритика, граѓаните  ја казнија еднаш – ,а сега  ја исклучуваат. Не од власт, туку од надеж, никогаш повеќе нема да се врати.

ВМРО-ДПМНЕ победи на изборите. Тоа е факт. Сега е време за нешто поважно од партиски пораки – резултати.

Граѓаните не гласаа за прес-конференции, туку за промени што ќе се почувствуваат во секојдневието:
во институциите, во правдата, во економијата, во безбедноста.

Очекувањата се јасни:
– функционални институции,
– професионална администрација,
– соработка меѓу властите,
– и јасна одговорност за секоја одлука.

Победата не е крајна цел, туку почеток на обврска.
Обврска кон граѓаните, не кон партијата.

Граѓаните веќе си го кажаа своето.
Сега ред е институциите да проработат.

И тука нема изговори.