Министерот Алиу најави дека се финализира договорот со британскиот партнер за изградба на три нови болници – во Штип, Кичево и Тетово.

„Чекавме да завршат изборите, и сега очекуваме до крајот на годината да почнат административните и инфраструктурните активности. Болницата во Кичево ќе се гради одново, бидејќи сегашниот објект не ги исполнува безбедносните стандарди“, рече министерот.

Новиот објект во Кичево ќе биде современ, енергетски ефикасен и целосно опремен, а ќе чини 18 милиони евра. Владата очекува изградбата и опремувањето да завршат во рок од две години.