Една недела по именувањето на Моџтаба Хаменеи за нов врховен лидер на Иран, јавноста сеуште не го видела. Аналитичарите велат дека неговата јавна појава можеби не е пресудна – она што е важно е дали институциите под него функционираат правилно.

Клучна улога во овој период игра Иранската револуционерна гарда (ИРГЦ), елитна гранка на иранските вооружени сили формирана по Исламската револуција во 1979 година. Аналитичарите веруваат дека Гардата може да ја води воената стратегија на земјата независно од физичкото присуство на лидерот.

ИРГЦ има силно влијание во безбедносниот апарат и создала масивно бизнис царство со интереси во градежништвото, телекомуникациите, автомобилската индустрија и енергетиката. Командантот на Гардата одговара директно пред врховниот лидер.

Во 2019 година, администрацијата на Трамп ја означи ИРГЦ како терористичка организација. Бахреин и Саудиска Арабија ја додадоа на своите листи во 2018, а Европската унија тоа го направи оваа година поради насилното сузбивање на антивладините протести.