Кумановецот Владимир Илиќ неодамна беше прогласен за најдобар стендап комичар во Велика Британија за 2025 година. Наградата му била доделена во клубот „Комеди стор“ во Лондон, а Илиќ победи во конкуренција на 700 комичари од Велика Британија. Влад Илиќ десет години се занимава со стендап комедија, а претходно неговиот успех го забележа и „Би-Би-Си“.

Во Велика Британија се преселил во 2016-та, а професионално почнал да се занимава со стендап комедија после две години. Освен во Велика Британија, настапувал во Малта, Германија, Ирска, Франција, Шведска, Италија, Србија и на Малдивите. Наредниот период планира турнеи во Австралија и Канада, развој на комична телевизиска серија за „расеан“ балкански поп и неговото семејство во Англија која посакува наскоро да ја сними.

Во интервјуто за МИА, вели дека шансите за успех биле мали, но победил „балканскиот инает“ и додава „за да надмудриш кумановец во шега е исто како да си ја освоил оваа награда“.

Илиќ настапува на четири јазици и материјалите постојано ги преведува.