По координираните израелско-американски напади врз Иран, голем број меѓународни авиокомпании ги обустави летовите кон Израел и пошироката блискоисточна регија. Неколку земји – меѓу кои Ирак, Катар, Кувајт и ОАЕ – го затворија воздушниот простор.

Луфтханза ги суспендира летовите до и од Тел Авив, Бејрут и Оман до 7 март, а Дубаи привремено за два дена. Ер Франс ги откажа летовите до Тел Авив и Бејрут, КЛМ ги суспендира летовите Амстердам–Тел Авив, а Виз Ер ги откажа сите летови до Израел, Дубаи, Абу Даби и Аман до 7 март.

Шпанскиот нискотарифен превозник Ибериа Експрес го откажа дневниот лет до Тел Авив, а Ер Арабиа ги суспендира рутите до Иран, Ирак и останатите засегнати дестинации. Туркиш ерлајнс, сепак, соопшти дека нивните летови продолжуваат по редовен распоред.

Израелскиот министер за одбрана прогласи вонредна состојба во целата земја, а воздушниот простор над Израел беше затворен за цивилни летови. Патниците кои планираат патување до или преку регионот се советуваат да проверат со своите авиопревозници пред заминување.

Ескалацијата веќе ги нарушува глобалните трговски и патнички врски, а аналитичарите предупредуваат дека продолжениот конфликт може да има значителни последици врз меѓународниот авиосообраќај и цените на авионски карти.