Машката сениорска кошаркарка селекција на Македонија, од самото дно, ќе ги почне новите квалификации. Македонија ќе игра претквалификациите за Евробаскет 2029 во кои за противници ги има „велесилите“ Азербејџан и Ирска.

И во новиот квалификациски циклус, селекторот Марјан Илиевски нема да може да смета на нашиот најдобар кошаркар Ненад Димитриевиќ. Тој не е на списокот 16 играчи кои Илиевски ги повика за првите два натпревари.

Затоа пак на списокот имаме тројна натурализирани кошаркари. Покрај Џејкоб Вајли, Илиевски ги повика и новите „Македонци“, Омари Мур и Нејт Сестина. Но, правилата се јасни, па само еден од нив ќе може да настапи.

СПИСОК НА ПОВИКАНИ КОШАРКАРИ

Војдан Стојановски – МЗТ Скопје Аеродром
Андреј Магдевски – МЗТ Скопје Аеродром
Стојан Ѓуроски – Работнички
Бобан Стајиќ – Пелистер
Андреј Митревски – Пелистер
Лука Стојановски – Пелистер
Виктор Ташовски – ТФТ Скопје
Страхил Николов – ТФТ Скопје
Теодор Симиќ – Кожув
Адем Мекиќ – Бора – Косово
Ваљмир Какруки – Сигал Приштина – Косово
Лејсон Зеќири – Башкими – Косово
Андреј Јакимовски – Тренто – Италија
Џејкоб Вајли – Ритас – Литванија
Омари Мур – Валенсија – Шпанија
Нејт Сестина – Олимпиjа Милано – Италија

Собир е закажан за 24. ноември (понеделник), во 10:30 часот во салата на СРЦ „Кале“. Таму, на 27 ноември, ќе се игра и првиот натпревар кога ќе ја пречекаме селекцијата на Азербејџан (19 часот). Три дена подоцна (30.ноември), Македонија ќе и гостува на Ирска (18 часот).