Во Вашингтон денеска се одржува втората сесија од Стратешкиот дијалог меѓу Северна Македонија и САД, по четиригодишна пауза.

Високата делегација предводена од министерот за надворешни работи Тимчо Муцунски вклучува и министри за внатрешни работи, одбрана, дигитална трансформација и енергетика.

Дијалогот претставува „важна платформа за продлабочување на билатералната соработка и унапредување на партнерството со САД” со фокус на одбрана, сајбер-безбедност, технологија, економија, трговија и енергетска соработка.

Американскиот заменик-државен секретар Кристофер Линдау ќе ја пречека македонската делегација. Муцунски истакна дека Македонија е првата европска земја која одржува ваков дијалог со актуелната американска администрација во Вашингтон.

Меѓу приоритетните теми е и визната политика, особено суспензијата на имигрантски визи за САД воведена во јануари.