Вчера мечка нападнала жител од прилепско, информираат од полицијата.

Според МВР, немилиот настан се случил во атарот на селото Рилево, додека жителот од селото Секирци собирал печурки.

-При нападот, мажот со иницијали И.М. се здобил со повреди на главата, вратот и градниот кош. Поради сериозноста на повредите, тој е итно пренесен во Скопје, на Клиничкиот центар „Мајка Тереза“, стои во полицискиот билтен.