Некои сектори од германската економија се во критична состојба и владата ќе се фокусира на економски раст и реформи, рече Фридрих Мерц.

Според американската новинска агенција Блумберг, германскиот канцелар дури признал дека овие сектори се во „многу критична“ ситуација.

Мерц, исто така, признал дека неговата влада не направила доволно за да ја зголеми економската конкурентност на Германија и вети дека ќе се фокусира на подобрување на „деловната клима“.

Неговата ЦДУ и нејзиниот баварски партнер, ЦСУ, предложија пензиска реформа, даночни олеснувања за компаниите и намалување на социјалните трошоци.

На мерките се спротивставува Социјалдемократската партија на Германија (СПД), која инсистира на почитување на колективните договори, стабилни приходи и ефикасни социјални програми.

Економските советници на Мерц неодамна ја намалија својата прогноза за растот на германскиот БДП за 2026 година на помалку од 1%. Ова е и покрај воспоставувањето на инфраструктурен фонд и зголемените воени трошоци.

Економијата на земјата сè уште има лоши резултати, а Меѓународниот монетарен фонд го повикува Берлин да спроведе „смели“ реформи.

Мерц не прецизираше кои „сектори“, или индустрии, се најтешко погодени, но факт е дека фабриките за автомобили се соочуваат со пад на продажбата не само во Кина, што негативно влијае и на остатокот од економијата.

Фолксваген затвори фабрики во Дрезден и Брисел. Мерцедес-Бенц ја изгуби лидерската позиција на европскиот пазар.

Самиот Мерц, според најновата анкета, го зазеде претпоследното место меѓу 20-те најважни политичари во земјата.