Израелскиот премиер Бенјамин Нетанјаху објави ново видео на кое се гледа како шета меѓу кафулиња на панорамска точка во Ерусалим и разговара со минувачи.

Снимката наводно е направена во недела, бидејќи Нетанјаху е облечен во истата облека како на претходните снимки од кафулето, пренесуваат медиумите.

На видеото, израелскиот лидер ја нагласува важноста на излегувањето на свеж воздух, а потоа ги прашува минувачите каде е најблиското засолниште.

На крајот од снимката, Нетанјаху ги повикува граѓаните да бидат трпеливи за време на конфликтот со Иран, охрабрувајќи ги да ги одржуваат секојдневните рутини во рамките на безбедносните упатства.

Видеото брзо се прошири на социјалните мрежи, предизвикувајќи различни реакции – од поддршка и хумор кај Израелците до нови теории на заговор од оние кои тврдат дека содржината е фалсификувана.