Носачот на авиони „Абрахам Линколн” на американската морнарица се повлекол откако наишол на ирански ракети и дронови, тврди претседателот на иранскиот парламент Мохамед Багер Калибаф.

„Носачот на авиони кој го симболизира воениот капацитет на САД не беше во состојба да ги издржи иранските воени способности”, изјави Калибаф, тврдејќи дека американската поморска група „соочена со ирански проектили и беспилотни летала, одлучила да се повлече од потенцијален конфликт”.

Иранскиот функционер им се обрати на американските сојузници, повикувајќи ги да „спроведат сопствена истрага и да не ја врзуваат својата безбедност за лагите на Доналд Трамп и Бенјамин Нетанјаху”.

Овие изјави доаѓаат во време на зголемени регионални тензии, вклучувајќи неодамнешни ракетни и дрон-напади и зголемено американско поморско присуство во Персискиот Залив. Повлекувањето на носачот на авиони, доколку се потврди, би претставувало значаен удар врз американското воено присуство во регионот.