„Се плашам дека ќе гледаме доминација на Алкарас и Синер најмалку во следните пет години“, тврди легендарниот Русин.

Најдобриот руски тенисер на сите времиња, Јевгениј Кафелњиков, изјави дека Новак Ѓоковиќ тешко може да им парира на помладите ривали, Карлос Алкарас и Јаник Синер.

„Алкарас и Синер ќе владеат уште многу долго. Колку долго? Тоа најмногу зависи од нив двајцата. Едноставно, никој не може да им парира. Ниту Александер Зверев, ниту Новак Ѓоковиќ“, изјави Кафелњиков во интервју за Јутјуб-каналот Прво и црвено.

„За жал, Новак е физички истрошен и тој го знае тоа. Кога се игра на гренд слемови во формат на три добиени сета, многу е тешко да се издржи борба со млади момци кои се на врвот од својата моќ. Тоа важи и за Алкарас и за Синер. Се плашам дека ќе ја гледаме нивната доминација најмалку во следните пет години“, додаде рускиот ас.

Кафелњиков во текот на кариерата има освоено два гренд слема и бил светски рекет број еден, а денес често се огласува за случувањата на АТП турнејата.