Дистрибутивното електроенергетско претпријатие соопшти дека на 25 февруари 2026 година ќе има планирани прекини на електрична енергија во делови од три општини во Скопје, поради технички интервенции на електромрежата.

Во општина Центар прекините се очекуваат на улица „Никола Тримаре” бр. 15 и делови од улицата „Мирослав Крлежа” (бр. 16-20), како и продавниците на булеварот „Климент Охридски” крај бр. 54 — во периодот од 07:30 до 15:30 часот. За бројевите 52, 54, 56, 58, 60 и 62 на истата улица прекинот е планиран од 09:30 до 15:30 часот.

Во општина Чаир без струја ќе биде целиот комплекс „Ретел Поинт Парк”, и тоа во периодот од 08:00 до 14:30 часот. Во општина Студеничани дел од селото Студеничани кај локалитетот Бурдем ќе биде без напојување од 09:00 до 13:00 часот.

Граѓаните се советуваат да ги приспособат своите дневни активности. Истакнато е дека можни се временски отстапувања во зависност од теренските услови при изведувањето на работите.