Околу 2.000 уникатни монети од 18 век исчезнаа од музејот Дени Дидро, само неколку дена по кражбата на накит во Лувр.

Кратко по кражбата на накит од Лувр, беше ограбен уште еден француски музеј – Куќата на просветителството на Денис Дидро во градот Лангр.

Речиси 2.000 ретки и многу вредни монети исчезнаа од музејот, објавија француските медиуми.

Случајот следи по низа големи кражби во француските музеи во последните месеци, кои кулминираа со неодамнешниот грабеж на познатиот Лувр, кога крадци украдоа редок накит од галеријата Аполо.

Тоа ги поттикна лидерите на опозицијата да ја критикуваат владата за она што го нарекуваат слаба безбедност на културното наследство.

Златните и сребрените монети беа пријавени како украдени во понеделник наутро во Лангр, откако вработените во музејот открија скршена влезна врата и скршена витрина.

Пленот наводно вклучувал 1.633 сребрени и 319 златни монети од 18-ти и 19-ти век, со проценета вредност од околу 90.000 евра (104.000 американски долари). Украдените предмети биле дел од музејската колекција на „богатства“ што градежните работници ги пронашле за време на реновирањето на зградата во 2011 година.

Според канцеларијата на локалниот градоначалник, кражбата изгледала однапред испланирана и насочена, бидејќи биле украдени само одбрани вредни предмети, додека други останале недопрени.

Локалните власти наводно добиле задача да ангажираат приватна фирма за обезбедување на местото во текот на ноќта, додека безбедносниот систем на привремено затворениот музеј се надградува.

Инцидентот во Лангр следи по две големи кражби во музеи во Франција овој месец.

Грутка злато вредна 1,5 милиони евра беше украдена од Националниот музеј за природна историја во Париз, а само три дена подоцна, сред бел ден, во Лувр се случи грабеж. Украдени се осум парчиња накит од ерата на Наполеон.

Снимка од надзор објавена од музејот покажува неидентификуван маж во жолт елек како отвора прозорец во заштитна кутија и го зема накитот.

Грабежот во Лувр предизвика остри критики од раководството на музејот. Директорката Лоран де Кар се соочи со обвинувања дека давала приоритет на различноста при донесувањето одлуки за вработување пред експертизата за безбедност.

Еден од најпознатите музеи во светот повторно се отвори за посетителите во среда, иако галеријата Аполо остана затворена.