Брижит Бардо, легендарната француска актерка, модел и активистка за правата на животните, почина денес на 91-годишна возраст, пренесуваат странските медиуми.

Веста за нејзината смрт ја потврди Фондацијата „Брижит Бардо“, наведувајќи дека светот изгуби една од најпрепознатливите и највлијателни фигури на француската и светската култура. Бардо стекна глобална слава со филмот „И Бог ја создаде жената“ (1956), со што стана симбол на една епоха и икона на женската слобода и бунт.

По повлекувањето од филмот во 1970-тите, таа целосно му се посвети на активизмот за заштита на животните, основајќи фондација која со децении беше гласен и влијателен чинител на таа тема. Нејзиниот живот и кариера остануваат обележани со голем уметнички печат, но и со контроверзии поради нејзините политички ставови во подоцнежните години.

Со заминувањето на Брижит Бардо завршува едно значајно поглавје од историјата на европската кинематографија и поп-културата.