Од граничните премини кон соседна Грција, во моментов само граничниот премин Дојран е отворен за сообраќај. Другите два премини, Меџитлија и Богородица, се недостапни поради различни ограничувања и блокади.

Според информациите, граничниот премин Меџитлија е затворен од 12 часот за товарни возила и автобуси, додека Богородица од 11 часот повторно е во прекин, како резултат на штрајкот на земјоделците во Грција, кои со блокади го попречуваат преминот.

Проблеми со сообраќајот има и на северната граница. Авто-мото сојузот на Македонија информира дека на граничниот премин Табановце, кон Србија, моментално се чека околу 40 минути поради зголемен интензитет на возила.

Граѓаните се повикуваат да ги следат актуелните информации и да планираат патувања со дополнителна претпазливост.