Доста е, изјави премиерот на Гренланд, Јенс Фредерик Нилсен, реагирајќи на повторените закани од американскиот претседател Доналд Трамп дека ќе ја преземе контролата врз арктичкиот остров што сака да го стави под контрола на САД.

– Доста притисок. Доста инсинуации. Доста со фантазијата за анексија. Отворени сме за дијалог. Отворени сме за дискусии. Но, ова мора да се направи преку соодветни канали и во согласност со меѓународното право, напиша лидерот на Гренланд, Јенс Фредерик Нилсен, на Фејсбук.

Трамп постојано ја споменуваше можноста за приклучување на Гренланд кон САД, наведувајќи ја нејзината стратешка позиција и минерално богатство како причина. Данската премиерка Мете Фредериксен го повика Трамп во неделата да престане да се заканува дека ќе го преземе Гренланд.

Размената дојде откако САД започнаа голема воена операција против Венецуела во саботата, заробувајќи го претседателот Николас Мадуро и неговата сопруга и транспортирајќи ги во Њујорк.

Во интервју за Атлантик, Доналд Трамп рече дека и други земји би можеле да бидат предмет на интервенција на САД. Апсолутно ни е потребен Гренланд, рече американскиот претседател за островот што е дел од Данска, членка на НАТО.