Полицајци го уапсиле својот колега С.Р. (45), вработен во Секторот за општи и заеднички работи на МВР, откако тој возел во спротивна насока.

Инцидентот се случил во близина на зградата на Министерството за внатрешни работи. Кога бил запрен од колега полицаец, осомничениот му се заканувал на службеното лице.

Против 45-годишниот вработен е поднесена кривична пријава за загрозување на безбедноста во сообраќајот и заканување на службено лице при вршење должност.