Процурени телефонски снимки oткриваат дека унгарскиот министер за надворешни работи Петер Сијарто водел разговори со рускиот шеф на дипломатијата Сергеј Лавров и други високорангирани руски функционери, покажувајќи дека Будимпешта работела на унапредување на интересите на Кремљ во Европската Унија.

Во снимените разговори од август 2024 година, Лавров побарал од Сијарто да помогне во отстранување на сестрата на олигархот Алишер Усманов од санкциските листи на ЕУ. Сијарто се согласил да соработува со Словачка за поднесување предлог за нејзино отстранување, велејќи „ќе направиме се за да ја отстраниме”. Седум месеци подоцна, таа беше тргната од листата.

Во разговори со рускиот заменик-министер за енергетика Павел Сорокин, Сијарто откривал доверливи детали од ЕУ, признал дека блокира санкциски пакети и побарал аргументи од Русија против санкциите. Тврдел дека отстранил 72 руски ентитети од предложените листи и успешно ја тргнал Банка Санкт Петербург.

Европски разузнавачки функционер ги опишал ваквите комуникации како „оперативно-изворишна” динамика. Унгарија и Словачка повеќепати го искористиле правото на вето при санкциите. Унгарската влада ги отфрли извештаите како „проукраинска пропаганда”.