Временските услови во Македонија ќе останат променливи до Велигден, со чести врнежи и постепен пораст на температурите.

На Попова Шапка утрово беа измерени -3 степени и 57 сантиметри снег, што го прави најстуденото место во земјата. Денеска се очекува зголемена облачност и локални врнежи од дожд, а на повисоките планини врнежи од снег.

Утринските температури ќе се спуштат до околу 2 степени, додека дневните ќе достигнуваат до 19 степени.

Во деновите пред Велигден се очекува повеќе сонце, но на самиот празник ќе има дожд. Кон крајот на април и почетокот на мај, нестабилното време ќе продолжи со чести врнежи и постепено затоплување – утрински температури околу 8 степени и попладневни до 22 степени.