Полицијата го пронајде возачот кој на 16 март удри 11-годишно девојче во населбата Капиштец во Скопје и побегна од местото на настанот.

Сообраќајната незгода се случи околу 13:20 часот на раскрсницата на улиците „Васил Ѓоргов” и „Народ Фрон”. Возачот, идентификуван како С.Б., со своето возило ја удрил малолетничката и го напуштил местото.

Девојчето е примено во Ургентниот центар на клиничкиот комплекс „Мајка Тереза” со сериозни повреди.

На С.Б. ќе му бидат поднесени кривични пријави за „тешки дела против јавната безбедност и имотот во сообраќајот” и за „непружање помош на повредено лице во сообраќајна незгода”.