Македонската уметност повторно блесна на меѓународната сцена! Женскиот младински хор при Младинскиот културен центар (МКЦ) од Скопје освои прва награда на престижниот меѓународен хорски фестивал во Херцег Нови, Црна Гора.

Под водство на својот диригент, Татарчевски, хорот ја воодушеви публиката и жирито со извонредна изведба што ја претстави Македонија во најубаво светло, а Татарчевски беше посебно награден со признание за најдобар диригент на фестивалот.

Овој настап не е само уметничко достигнување, туку и потсетник дека македонската хорска традиција е жива, модерна и инспиративна. Женскиот младински хор при МКЦ веќе со години важи за еден од најквалитетните вокални ансамбли во регионот.