Судијата Енвер Беџети, кој до неодамна работеше во Апелациониот суд во Скопје, е разрешен поради што беше вклучен на американската „црна листа“. На истата листа се наоѓа и поранешниот вицепремиер Артан Груби, кој е во бегство поради корупција и примање мито.

Американските власти утврдиле дека Беџети и Груби подолго време влијаеле за да не се суди предметот за масовното прислушување, во кој обвинет беше поранешниот директор на УБК, Сашо Мујалков, поради што предметот застарел.

Судскиот совет првично го казни Беџети парично, но откако неговото име се најде на „црната листа“, тој беше и разрешен. Според соопштението на Советот, Беџети бил разрешен во мај годинава, по што се жалел пред Врховниот суд. Минатиот месец, Врховниот суд донесе конечна одлука дека Беџети повеќе нема да работи како судија.