Во периодот од 24 до 30 ноември, во земјава се регистрирани 114 нови случаи на грип, покажуваат податоците на Институтот за јавно здравје (ИЈЗ). Бројката е 25,3% поголема во споредба со претходната недела.

Во однос на истиот период од минатата сезона, се бележи раст од 75,4%, а според моделот за последните 15 сезони, зголемувањето изнесува 2,7%.

Заболените оваа недела се пријавени во 11 ЦЈЗ/ПЕ, и тоа:

• Куманово – 49 случаи

• Струмица – 16

• Штип – 11

• Тетово – 9

• Гостивар – 7

• Прилеп и Кавадарци – по 6

• Македонски Брод – 5

• Неготино – 3

• Радовиш – 1

• Скопје – 1

Во сезоната 2025/2026, вкупниот број на регистрирани заболувања од грип и заболувања слични на грип достигна 776 случаи. Тоа претставува 70,9% повеќе од истиот период лани и 25,9% повеќе во споредба со моделот за последните 15 сезони.

Најголем број заболени се евидентирани на територијата на Гостивар, додека највисока кумулативна инциденца е забележана во Македонски Брод.
Според возраста, најмногу пријавени случаи – 584 лица – се во групата од 15 до 64 години, која ја опфаќа најголемата популација.

Од ИЈЗ потсетуваат дека вакцинацијата против сезонски грип останува најдобрата заштита од компликации и тешка клиничка слика.