Овој викенд љубителите на астрономијата имаа можност да сведочат на навистина необична и ретка појава — прстените на Сатурн речиси целосно исчезнаа од наш поглед. Настанот, кој се случува еднаш на 13–16 години, повторно го привлече вниманието на научниците и ентузијастите ширум светот.

Станува збор за феномен наречен „ring-plane crossing“, момент кога Земјата и Сатурн се порамнуваат така што ги гледаме неговите прстени точно од страна. Бидејќи прстените се исклучително тенки, од овој агол тие изгледаат како да исчезнуваат.

Иако овојпат не се работеше за целосно исчезнување, оние што го набљудуваа Сатурн преку телескоп можеа да забележат дека прстените се сведени на помалку од 1% видливост — како да останала само светлосна линија околу планетата.

Иако визуелно „исчезнати“, прстените не се движат никаде. Во месеците што следуваат, тие повторно ќе почнат да изгледаат пошироки. Нивната најголема видливост се очекува во 2027 година, кога ќе изгледаат најшироко и највпечатливо.

Следното целосно исчезнување на прстените е предвидено дури во 2038 година.

Овој тип усогласување меѓу Земјата и Сатурн се случува ретко поради долгата орбита на Сатурн, која трае речиси 29 години. Затоа и ваквите појави претставуваат посебен момент за сите кои сакаат да гледаат во ѕвездите.