Руските воздухопловни власти во моментов не планираат да забранат летови до Венецуела, соопшти денес руското Министерство за транспорт.

„Руските воздухопловни власти во моментов не планираат да воведат никакви ограничувања. Руското Министерство за транспорт и (американската) Федерална администрација за воздухопловство (FAA) се во контакт со руското Министерство за надворешни работи“, се вели во соопштението објавено од РИА Новости.

Како што е најавено, венецуелската авиокомпанија „Конвијаса“ продолжува да врши летови од Русија до Венецуела, со летови од Санкт Петербург до Каракас.

„Конвијаса не објави никакви откажувања на летови“, се вели во соопштението на руското Министерство за транспорт.

Претседателот на САД, Доналд Трамп, пред два дена изјави дека воздушниот простор над и околу Венецуела треба да се смета за „целосно затворен“.

„До сите авиокомпании, пилоти, трговци со дрога и луѓе, ве молиме сметајте го воздушниот простор над и околу Венецуела за целосно затворен“, напиша Трамп на својата платформа Truth Social.

По објавата на Трамп, неколку авиокомпании веднаш ги прекинаа летовите над Венецуела.