Саркози е осуден на пет години затвор за криминално заговор откако судот утврди дека неговата претседателска кампања во 2007 година била нелегално финансирана со милиони евра од режимот на тогашниот либиски лидер Моамер Гадафи.

Против Карла Бруни беа поднесени прелиминарни обвиненија за манипулирање со сведоци и учество во криминален заговор за измама. Обвинителството тврди дека таа била дел од сложен и нелегален план наречен „Операција за спасување на Саркози“, вреден околу 4 милиони евра, чија цел била да се влијае врз клучниот сведок, Зајад Такиједин, да го повлече своето сведочење со кое го инкриминира Саркози. Доколку биде прогласена за виновна, поранешната прва дама се соочува со казна затвор до 10 години, која може да се зголеми на 20 во случај на отежнувачки околности.

Ва 2007 година, на вечера, таа се сретна со разведениот француски претседател Никола Саркози. Следеше бурна романса, која кулминираше со нивната венчавка во Елисејската палата во февруари 2008 година, само неколку месеци откако се запознаа. Карла Бруни стана прва дама на Франција. Нејзината улога беше мешавина од гламур, уметност и дипломатија, но и контроверзии. Таа беше обвинета дека ги користела тајните служби со својот сопруг за да открие кој шири гласини за нивното наводно неверство. И покрај ова, двојката доби ќерка, Јулија, во 2011 година, а Карла се посвети на хуманитарна работа како амбасадор на Глобалниот фонд за борба против СИДА.