СДСМ одржа седница на Централниот одбор на која беа избрани нови членови во раководните структури на партијата, во рамките на подготовките за претстојниот програмски конгрес.

Во Централниот и Извршниот одбор се избрани Соња Стаменкова (градоначалничка на Македонска Каменица), Слободен Чокревски (професор и поранешен јавен функционер), Богданка Кузеска (партиска портпаролка), Тања Илијовска (економист) и Рубин Земон (доктор по етнологија и поранешен пратеник).

Андреј Жерновски е именуван за нов меѓународен секретар на партијата, додека Зоран Трифуновски е избран за втор организациски секретар. Партијата најави и јавен повик за избор на претседател на Форумот на пензионери.

Лидерот на СДСМ, Венко Филипче, презентираше нова предлог-платформа која ќе послужи како основа за ажурираната програма. Конечната верзија ќе биде развиена преку инклузивен процес и широк дијалог со членството и граѓаните, а ќе биде усвоена на 32-от програмски конгрес закажан за 7 јуни 2026 година.