Автомобилистичката федерација на Македонија денеска го организираше седмото традиционално женско рели во Скопје, кое ги обедини жените љубителки на мотоспортот, адреналинот и тимскиот дух.

За учество беа пријавени над 100 учеснички, а настанот започна во 10:30 часот на големиот паркинг на СЦ „Борис Трајковски”.

Екипите составени од возач и совозач поминаа градска рута, а потоа ја покажаа вештината зад воланот во втората етапа – спретно возење на затворен паркинг во безбедни услови, меѓу конуси.

„Женското рели има за цел да ја промовира улогата на жените во мотоспортот, тимската работа и позитивната енергија, како и да ја подигне свеста за безбедност во сообраќајот”, велат организаторите од Федерацијата, членка на Светската автомобилистичка федерација (FIA).