Сестрата на севернокорејскиот лидер Ким Џонг-ун, Ким Јо-џонг, ја повика Јужна Кореја да го истражи неодамнешниот инцидент со јужнокорејско беспилотно летало кое влезе во воздушниот простор на Северна Кореја, објави Ројтерс, повикувајќи се на соопштение објавено од државната новинска агенција КЦНА на Пјонгјанг во понеделник.

Таа рече дека ја цени „мудрата одлука“ на Сеул јавно да изјави дека нема намера за провокација. Во исто време, таа предупреди дека секоја провокација од Јужна Кореја ќе доведе до тешки ситуации.

Порано овој месец, беспилотни летала полетаа од Јужна Кореја во Северна Кореја, по слични упади во септември, соопшти вчера војската на Пјонгјанг.

Сеул брзо одговори велејќи дека спорните беспилотни летала не биле управувани од јужнокорејската војска.

„Едноставниот факт е дека беспилотното летало од Јужна Кореја го нарушило воздушниот простор на нашата земја“, рече моќната сестра на Ким Џонг-ун.

Јужнокорејско беспилотно летало влегло во воздушниот простор на Северна Кореја

„Не е важно кој стои зад ова, без разлика дали е дело на цивилна организација или поединец. Властите одговорни за националната безбедност на никаков начин не можат да избегаат од одговорност“, додаде таа.

Јужнокорејската агенција за национална безбедност во вторник изјави дека брзо ќе ги објави резултатите од својата истрага, потврдувајќи го ставот на владата дека нема намера да ја провоцира Северна Кореја.