Најмалку шест лица беа застрелани во округот Клеј, во јужната американска држава Мисисипи. Осомничениот е приведен, објави Ројтерс, повикувајќи се на локалните медиуми и органите за спроведување на законот.

Според локалната филијала на NBC News, вчера имало пукање на три локации.

Инцидентите во Вест Поинт се поврзани, објави Асошиејтед Прес.

Осомничениот е во притвор и „веќе не претставува закана за нашата заедница“, напиша шерифот на округот Клеј, Еди Скот, на социјалните мрежи. Тој не кажа колку луѓе се убиени.

Сепак, NBC News објави дека шест лица се убиени.

Сместен во североисточен Мисисипи, округот Клеј има население од околу 20.000 жители.