Сојузот на синдикатите на Македонија организира протест во центарот на Скопје, поради кој утре ќе бидат воведени посебни сообраќајни мерки. Маршот започнува во 12:05 часот пред зградата на Синдикатот на улица Мирче Ацев.

Колоната ќе поминe низ централните улици – по булеварите Филип Втори Македонски, 11 Октомври, Димитрие Чупоски и Васил Главинов – до зградата на Владата на булеварот Илинден. МВР предупредува дека привремени ограничувања и пренасочувања на сообраќајот ќе бидат воведени на засегнатите улици.

Граѓаните се повикуваат да ги следат упатствата на сообраќајните полицајци и да бидат претпазливи при движење низ централното градско подрачје.