Македонската јавност утрово ја преплавија реакции по објавата дека Иво Филипче, синот на претседателот на СДСМ Венко Филипче, на само 18 години основал сопствена компанија. Според податоците од Централниот регистар, фирмата „Демигод ДООЕЛ“ е регистрирана на 23 септември 2025 година, со дејност малопродажба на облека, објави порталот Фактор.мк.

Компанијата е лоцирана на ул. Њуделхиска во скопската населба Млечен ресторан – престижна и скапа локација, што веднаш ја поттикна јавната дебата за тоа како тинејџер успеал да започне ваков бизнис.

Реакциите на социјалните мрежи не изостанаа. Многумина потсетија на примерот на синот на Зоран Заев, Душко, кој исто така започна бизнис на 18 години. Неговата компанија „Тотал Енерџи“ за производство на електрична енергија лани пријавила добивка од околу 954 илјади евра, според јавно достапните податоци.

„Крушата под круша паѓа“, коментираат граѓаните, додавајќи дека и во политиката и во бизнисот на СДСМ „традицијата продолжува“.

Иво Филипче годинава ја заврши средното образование, а ова е негов прв регистриран бизнис. Дали оваа продавница ќе биде „нов почеток“ за младата генерација во политичките кругови или само уште еден пример на бизнис-отстапница за политичките семејства, останува да се види во следните месеци.

📍Фактор.мк прв го објави документот за регистрација на фирмата, а случајот веќе предизвика лавина реакции во јавноста и политичките кругови.