Слаб снег паѓа на Попова Шапка, Крушево и планинските премини Стража, Ѓавато и Буково, соопшти Автомобилскиот клуб на Македонија.

Сообраќајот на државните патишта се одвива непречено, но по влажни коловози. На повисоките места и планинските предели врнежите од дожд преминуваат во снег.

АМСМ ги повика возачите да бидат внимателни при возење во планинските региони и да ја прилагодат брзината на условите на патот. Препорачано е користење на зимска опрема за возилата кои патуваат преку планинските премини.