Србија и Израел ќе отворат заедничка фабрика за производство на дронови во близина на Белград, објави израелскиот весник Хаарец.

Фабриката ќе се наоѓа во индустриската зона Шимановци, приближно 30 километри западно од Белград. Во неа ќе се произведуваат два вида беспилотни летала:

Краткодометни вооружени дронови способни да носат тешки товари и долгодометни напредни дронови дизајнирани да оперираат на висина до 6 километри. Новите дронови наводно ќе ги надминат можностите на српскиот модел Пегасус.

Партнер во проектот е израелскиот одбранбен гигант Елбит Системс со 51 процент сопственичко учество, додека српскиот државен одбранбен производител СДПР го има остатокот.

Српскиот извоз на оружје кон Израел порасна 42 пати за две години, достигнувајќи 114 милиони евра во 2025 година. Елбит потпишал договори со Србија во вредност од 335 милиони долари и потоа дополнителни 1,6 милијарди долари за артилериски системи, дронови и електронско војување.