Градоначалникот на Гази Баба, Стефкофски, нареди уривање на импровизирани куќички крај реката Вардар во населбата Керамидница, изградени на државно земјиште.

„Нема компромис со Законот”, порача градоначалникот, нагласувајќи дека неовластеното градење нема да се толерира. Од рано наутро, секторот за инспекциски работи на општината превзеде активности за уривање на дивоградбите.

Акцијата го постави прашањето зошто овие нелегални градби не беа адресирани порано, со оглед на тоа дека постоеле подолг период додека градоначалникот го служеше својот прв мандат, преминувајќи од картонски во цврсти ѕидани конструкции.

Стефкофски потенцираше дека законот мора да се почитува без разлика на етничка, верска или друга припадност и ќе се применува рамномерно и доследно. Граѓаните се повикани да не започнуваат градби без соодветни дозволи.