Неколку лица се повредени во тешка железничка несреќа што се случи вечерва во Словачка, во близина на станицата Пезинок, северно од Братислава.
Според првите информации, судирот се случил помеѓу брзиот воз Ex 620 Tatran, кој сообраќал од Кошице до Братислава, и регионалниот експресен воз REx 1814, кој сообраќа на линијата Братислава-Нитра.

Пожарникари, полицајци и екипи за итни случаи се на местото на настанот. Словачката полиција објави дека „се утврдуваат точните околности на несреќата“ и дека подетални информации за бројот на повредени и причините за судирот ќе бидат објавени по завршувањето на интервенцијата.

– Сите работи во возот летаа, не знаевме што се случува. Морав да оживеам еден сопатник – изјави еден од патниците за порталот Startitup.

Според податоците на Словачката железница (ZSSK), сообраќајот на делницата Братислава-Пежинок бил целосно прекинат, а на патниците им било советувано да користат алтернативни автобуски линии.

ZSSK предупредува дека се можни долги доцнења и целосен прекин на сообраќајот на погодениот дел од железницата, додека спасувачките служби продолжуваат да им пружаат помош на повредените.