Страшна бура го погоди Кварнерскиот регион во Хрватска, оставајќи зад себе разурнувања и затворени патишта. На Крчкиот мост изутрина беа измерени удари на ветер од 160,2 километри на час – сила еднаква на ураган.

Омилениот остров Крк практично е отсечен од копното, а метеоролозите предупредуваат дека врвот на бурата допрва се очекува.

Во Ријека е пријавена материјална штета, при што ветерот уништи и наплатна кабина над поликлиниката на КБЦ Ријека.

„Телефоните не престануваат да ѕвонат. Ветерот се засилува, а нашите екипи се на терен и отстрануваат паднати дрвја и сообраќајни знаци. Ова е борба со природата”, изјавија од оперативниот центар на противпожарната служба.