Луксузниот туристички комплекс Свети Стефан во Црна Гора може да се отвори по пет години затвореност, откако владата најави договор со закупецот Adriatic Properties. Хотелот треба да почне со работа најдоцна до јуни 2026.

Договорот вклучува петгодишно продолжување на закупот – еднакво на периодот на затвореност – и забрана за дополнителна градба во паркот Милочер надвор од постоечките дозволи. Спогодбата и овозможува на Црна Гора да избегне арбитражна штета проценета на над 100 милиони евра.

И покрај оптимистичките најави од Подгорица, отворањето останува неизвесно. Официјалната веб-страница на Aman сè уште ги наведува Aman Sveti Stefan и Villa Miločer како затворени, со датуми за отворање кои дополнително ќе бидат соопштени.

Свети Стефан долго претставуваше камен-темелник на црногорскиот туризам, а неговото затворање симболизираше пошироки спорови околу јавниот пристап, условите за закуп и иднината на комплексот.