Тажна вест ја потресе гостиварската околина. Младо момче го загуби животот во тешка сообраќајна несреќа што се случила на локалниот пат меѓу селата Чегране и Корито.

Според информациите од МВР, на 11 октомври 2025 година, околу 13:30 часот, патничко возило „Фолксваген Голф“, управувано од Л.М. (26) од селото Форино, излетало од коловозот.

Од здобиените повреди, возачот починал на самото место, а смртта ја констатирал лекар од Итната медицинска помош.

Увид на местото на настанот извршиле екипа од ОВР Гостивар и јавен обвинител, по чии насоки телото на починатиот е предадено на обдукција.

Полицијата работи на целосно утврдување на причините за несреќата.

Metla.mk изразува сочувство до семејството и блиските на загинатиот.