Тешка сообраќајна несреќа ја потресе периферијата на Равена во Италија, во близина на каменолом, при што животот го загуби 60-годишен Македонец кој живеел во Луго. Според италијанските медиуми, жртвата е Ислами Месут, државјанин на Македонија.

Несреќата се случила кога два камиона што се движеле во спротивни насоки – едниот влегувал, а другиот излегувал од каменоломот – се судриле директно. Ударот бил силен и со фатални последици. Другиот возач е повреден и е пренесен во болница.

Истрагата е во тек, а локалните власти работат на утврдување на причините за трагичниот судир.