Тешка сообраќајна несреќа се случи во Германија, кога Србин (34) и двајца Хрвати (25 и 31) загинале откако нивното возило паднало од мост во канал, додека бегале од полициска контрола, јавува ДПА.

Според германската полиција, во саботата попладне, возачот – српски државјанин – со голема брзина се движел по федералниот автопат А4 во близина на Брауншвајг, кога ја изгубил контролата при престигнување, удрил во друго возило, прелетал преку заштитната ограда и со автомобилот паднал во канал под мостот.

Возилото, со минхенска регистрација, по судирот исчезнало од видното поле на полицијата, која го пронашла десет минути подоцна, откако граѓани ја пријавиле несреќата.

Во сударот загинале сите тројца патници во возилото, а во другиот автомобил, со кој се судриле, двајца Германци од Хамбург се тешко повредени, од кои едниот е во критична состојба.

Полицијата соопшти дека возилото бегало од рутинска контрола, но причините за бегството засега не се познати.

„Сè уште се утврдува зошто возачот не застанал на сигналот на полицијата. Истрагата е во тек,“ изјави портпарол на полицијата во Брауншвајг.