Министерството за одбрана на Србија соопшти дека припадник на 63-та падобранска бригада загинал вчера за време на редовни скокови за обука на воениот аеродром „Наредник-пилот Михајло Петровиќ“ во Ниш.

Несреќата се случила околу 14:00 часот, а животот го загубил десетарот Лука Стојановиќ, роден на 24 јули 2004 година во Ниш. Стојановиќ бил дел од српската армија како падобранец од 1 август 2024 година.

Началникот на Генералштабот на српските вооружени сили, Милан Мојсиловиќ, веднаш по трагедијата формирал комисија со задача да ги утврди сите околности на настанот и причините за несреќата.

Од Министерството изразија длабоко сочувство до семејството, колегите и пријателите на загинатиот војник.